MAJI

Lengo kuu la sekta hii ni kuendeleza na kuimarisha mazingira ya upatikanaji wa maji safi na salama kwa wananchi wa wilaya hii kwa kutumia teknolojia sahihi na rahisi inayokubalika na yenye gharama nafuu kiuendeshaji.

Wilaya ya Chato ina watu 318,240 kati yao wakazi 72,867 ambao ni 23% ya wakazi wote wanapata maji safi na salama kutokana na vyanzo kama inavyoonyeshwa katika jedwali hapo chini. Pia Inatarajiwa kuwa ifikapo mwaka 2010 idadi ya Wakazi 190,944 sawa na 60% ya wakazi wote Wilayani watapata maji safi na salama kupitia programu ya maji na usafi wa mazingira.

Hali ya Upatikanaji Maji Wilayani Chato

Na	Aina yachanzo	Idadi ya vyanzo	Watu wanao hudumiwa	%
1.	Miradi ya Bubujiko	1	12,717	17
2.	Visima vifupi	149	44,700	61
3.	Visima Virefu	29	8,700	12
4.	Matanki ya kuvuna maji ya mvua	35	6,750	9
5.	Miradi ya maji ya nguvu ya pump diesel/Solar	14	42,00	0.1
Jumla		228	72,867	100

Matatizo yanayokabili huduma ya maji

Uharibifu wa vyanzo vya maji unaotokana na ukataji miti, uotaji wa miti inayotumia maji mengi katika ukuaji, ufugaji usiopangiliwa, ujenzi wa makazi kwenye vyanzo vya maji
Uhaba wa vyanzo vya maji
Ongezeko kubwa la watu lisiloendana na matumizi endelevu ya raslimali zilizopo
Gharama kubwa ya uendeshaji na ukarabati wa miundo mbinu ya maji

Mikakati ya Utatuzi

Kuelimisha jamii zana ya utunzaji wa vyanzo vya maji.
Kutunga sheria ndogo ya kudhibiti uharibifu wa vyanzo vya maji.
Kuhusisha sekta binafsi katika uendeshaji wa miradi ya maji
Kuendeleza jitihada za kuimarisha vyanzo vya maji vya asili
Kushirikiana na Sekta ya Afya katika suala zima la Uzazi wa Mpango wa uzazi
Kuendeleza miradi ya maji yenye kutumia teknolojia rahisi na yenye gharama nafuu kiuendeshaji.
Kuhusisha jamii katika utunzaji endelevu wa miradi ya maji.


Copyright © 2008 - Ofisi ya Mkuu wa Mkoa wa Kagera, BUKOBA, TEL: 028 - 2220215/18, FAX: 028-2221356