TOVUTI YA MKOA WA KAGERA ... ...

JAMHURI YA MUUNGANO WA TANZANIA - OFISI YA MKUU WA MKOA KAGERA

BIHARAMULO

HALMASHAURI YA WILAYA YA BIHARAMULO

Halmashauri < [ Nyumbani ] au

MAJI

Lengo kuu la sekta hii ni kuendeleza na kuimarisha mazingira ya upatikanaji wa maji safi na salama kwa wananchi wa wilaya hii kwa kutumia teknolojia sahihi na rahisi inayokubalika na yenye gharama nafuu kiuendeshaji.

Hadi sasa asilimia ya wakazi wa wilaya wanaopata maji safi ni 38.0

Ili kufikia azma hii, Wilaya ilijiwekea mikakati ifuatayo ili kufikia lengo la kuwapatia wananchi wake maji safi na salama kwa umbali ulio karibu: (Ndani ya mita 400)

• Kuendeleza uchimbaji wa visima vifupi vya maji na kuimarisha vyanzo vya asili na utunzaji wake.

• Kuendeleza teknolojia ya uvunaji wa maji ya mvua

• Kujenga na kuendeleza miradi ya maji ya bubujiko.

• Kushirikisha wananchi kikamilifu katika kuhudumia miradi ya maji na matumizi ya maji hayo – (kuwashirikisha tangu hatua ya kupanga hadi uendeshaji).

• Kuimarisha vikundi vya watumiaji maji (WUGs).

Kutokana na vyanzo mbalimbali vya maji vilivyopo wilayani, jumla ya wakazi 80,228 ambao ni asilimia 38 ya wakazi wote wilayani wanapata maji kutokana na vyanzo kama inavyoonyeshwa katika jedwali hapo chini.Pia Inatarajiwa kuwa ifikapo mwaka 2010 idadi ya Wakazi 106,956 sawa na asilimia 54 ya wakazi wote Wilayani watapata maji safi na salama.

Upatikanaji wa maji katika mji wa Biharamulo

Mji wa Biharamulo una idadi ya wakazi 15,000. Kati ya hao Wakazi 10,000 wanapata maji ambayo ni sawa na asilimia 67. Upatikanaji wa maji katika Mji wa Biharamulo ni kwa njia zifuatazo, Maji ya bomba (ya kusumwa na mashine), Mradi wa mububujiko (Gravity), na Vyanzo vya asili vilivyoboreshwa. Inatarajiwa kuwa ifikapo mwaka 2010 idadi ya Wakazi 11,250 sawa na asilimia 75 watapata maji safi na salama.

Mikakati iliyowekwa kufikia lengo hili ni pamoja na

Kukarabati vyanzo 3 vya maji na mataki 5 ya kuhifadhi maji.
Kufunga bomba mita 18,000 maeneo mapya ya Mji
Kununua mitambo 5 ya kusukumia Maji
Kujenga matenki 4 yenye ujazo wa m3 6000
Kukarabati mabomba ya kusambazia maji yenye urefu wa mita 20,0000
Kuhamasisha Wananchi umuhimu wa kutunza miundo mbinu ya maji na uhifadhi wa maji

Hali ya Upatikanaji Maji Wilayani Biharamulo

Na	Aina ya chanzo	Idadi ya vyanzo	Watu wanao hudumiwa	%
1.	Miradi ya Bubujiko	6	10,200	13
2.	Visima vifupi	109	32,700	41
3.	Visima Virefu	10	6,000	7
4.	Vyanzo vya Asili	19	5,700	7
5.	Matanki ya kuvuna maji ya mvua	61	15,250	19
6.	Miradi ya maji ya nguvu ya Pampu/Solar	2	10,200	13
Jumla			80,228	100

Matatizo yanayokabili huduma ya maji na mikakati ya utatuzi

Matatizo	Utatuzi
Uharibifu wa vyanzo vya maji unaotokana na ukataji miti, uotaji wa miti inayotumia maji mengi katika ukuaji, ufugaji usipangiliwa, ujenzi wa makazi kwenye vyanzo vya maji.	• Kuelimisha jamii zana ya utunzaji wa vyanzo vya maji. • Kupeleka mahakamani watu wote wanaoingilia vyanzo vya maji. • Halmashauri ya wilaya imeshatunga sheria ndogo ya kudhibiti uharibifu wa vyanzo vya maji na imeanza kutumika.
Uhaba wa vyanzo vya maji	Kuendeleza jitihada za kuimarisha vyanzo vya maji vya asili
Ongezeko kubwa la watu lisiloendana na matumizi endelevu ya raslimali zilizopo	Kuhusisha sekta binafsi katika uendeshaji wa miradi ya maji
Gharama kubwa ya uendeshaji na ukarabati wa miundo mbinu ya maji.	• Kuendeleza miradi ya maji yenye kutumia teknolojia rahisi na yenye gharama nafuu kiuendeshaji. • Kuanzisha na kuendeleza utaratibu wa kulipia maji kwa watumiaji.
Kutotumia njia endelevu za uendeshaji wa miradi ya maji	Kuhusisha sekta binafsi katika uendeshaji wa miradi ya maji


Copyright © 2008 - Ofisi ya Mkuu wa Mkoa wa Kagera,BUKOBA, TEL: 028- 2222341/-18, FAX: 028-2221356